Maşına sayrışan işıq quraşdıran sürücü hər dəfə əks yola çıxıb təhlükə yaratdı - VİDEO

Paytaxtın Binəqədi rayonunun müxtəlif qəsəbə və küçələrində yol hərəkəti qaydalarını kobud şəkildə pozan sürücü görüntülərini sosial şəbəkədə hesabında paylaşıb.

Avtosfer.az-ın məlumatına görə, 99-RK-126 dövlət nömrə nişanlı “Renault” markalı avtomobilin sürücüsü maşının ön alın şüşəsinə operativ nəqliyyat vasitələri üçün nəzərdə tutulmuş göy və qırmızı sayrışan işıq siqnalları quraşdıraraq sürüb. Digər kadrda o, bütöv xəttin tələbini pozaraq əks istiqamətli yola çıxıb və qarşı tərəfdən gələn maşına qəza şəraitinə səbəb olub. Başqa bir videoda isə sözügedən sürücü işıqforun qırmızı işığına əhəmiyyət vermədən qoşa xəttin tələbini pozaraq əks istiqamətli yola keçib və yenidən təhlükə yaradıb. 

Nərmin