Maşını 210-la sürən təcili yardım sürücüsü görün nəyi təbliğ edir - VİDEO

Yolda hərəkət sürətini aşıb özünü və digər hərəkət iştirakçılarını təhlükə altında qoyan sürücü qeydə aldığı videonu sosial şəbəkədə paylaşıb. Avtosfer.az xəbər verir ki, 99-DH-091 qeydiyyat nişanlı "Hyundai" markalı avtomobilin sürücüsü 210 km/saat sürətlə hərəkət edərək özünü videoya çəkib. Sonra isə bunu sosial şəbəkədə paylaşaraq öz hərəkətləri ilə fəxr edib.

Eyni hərəkətlərlə gündəmə gəlmək istəyən bir çox sürücülərin şahidi olmuşuq. Heç bir faydası olmayan, əksinə gəncləri ölümə səsləyən bu cür hərəkətlərin təbliği düzgün deyil. Hər dəfə qəzaları araşdıran zaman təsdiq olunur ki, sürət insan ömrünü yarıda qoyur. Ona görə də belə hərəkətlərə yol vermək olmaz. Hər kəs intizamlı olmalı, qayda-qanunlara ciddi şəkildə riayət etməlidir.

Qeyd edək ki, həmin sürücünün Təcili Tibbi Yardım xidmətində çalışdığı bildirilir.

Leyla