Maşını blokun qarşısına atıb gedən sürücü sakinlərin yolunu kəsdi - VİDEO

Bakıda parklanma qaydasını pozan sürücünün videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə paytaxtın Ələsgər Ələkbərov küçəsində yerləşən binanın həyətində qeydə alınıb. Belə ki, 77-DN-891 qeydiyyat nişanlı "Lada" markalı avtomobilin sürücüsü blokun qarşısında parklanma edərək yolu kəsib. Bloka daxil olan və oradan çıxan sakinlər, ələlxüsus da əlində yükü olan və ya uşaq arabası ilə çıxmaq istəyən sakinlərin hərəkətini birmənalı şəkildə məhdudlaşdırıb.

"Yol hərəkəti haqqında" qanunun 52-ci maddəsində qeyd olunub ki, nəqliyyat vasitələrinin hərəkətini (girmə və ya çıxma) qeyri- mümkün etdiyi, yaxud piyadaların hərəkəti üçün maneə yaratdığı yerlərdə dayanma qadağandır.

Leyla