Maşını piyada keçidində park edib sükan arxasında əyləşən sürücü - 77-UR-417 - VİDEO

Paytaxtın Nəsimi rayonu Ceyhun Səlimov küçəsində dayanma-durma qaydasını pozan sürücü görüntülənib.

Xoşagəlməz mənzərəylə bağlı izləyicilərdən biri Avtosfer.az-ın “Whatsapp” ünvanına videomaterial göndərib. Belə ki, 77-UR-417 dövlət nömrə nişanlı “Toyota” markalı avtomobilin sürücüsü maşını piyada keçidində park edərək piyadaların hərəkətinə əngəl törədib. Nəticədə ərazidən keçən piyadalar çətinlik çəkiblər. Görüntüdən də aydın olduğu kimi, səkidə uşaq arabalarının və fiziki əngəllilərin keçiddən rahat istifadəsi üçün yer ayrılıb. Lakin qayda pozan sürücü onların hərəkətinə də mane olub. İşin ən qəribə tərəfi isə, sürücünün sükan arxasında əyləşməsi olub.

Xatırladaq ki, bu xətanı törədən sürücülər İnzibati Xətalar Məcəlləsinin 346.1-ci maddəsinə əsasən 60 manat məbləğində cərimələnə bilərlər.

Nərmin