Maşını üçüncü cərgədə saxlayan sürücü yolu kəsdi - VİDEO

Xırdalanda yol hərəkəti qaydasını pozan sürücü digər avtomobillərin qarşısını kəsib. Avtosfer.az xəbər verir ki, hadisə Heydər Əliyev prospektində baş verib.

Belə ki, 77-YV-857 qeydiyyat nişanlı "KIA" markalı avtomobilin sürücüsü üçüncü cərgədə dayanaraq yolda hərəkəti məhdudlaşdırıb.

O, digər avtomobillərin qarşısını kəsdiyini anlayandan sonra hərəkətə başlayıb.

Qeyd edək ki, bu qayda pozuntusuna görə, İnzibati Xətalar Məcəlləsinin 346.4-cü maddəsilə 2 bal 80 manat məbləğində cərimə nəzərdə tutulub.

Könül Rauf