Maşının arxası yolda qaldı, gediş-gəlişə maneə yaratdı - VİDEO

Xırdalan şəhərində dayanma-durma qaydasını pozan sürücü hərəkətə mane olub. Avtosfer.az xəbər verir ki, hadisə Qalubiyyə küçəsində qeydə alınıb. Belə ki, 75-AD-183 qeydiyyat nişanlı "Maple" markalı avtomobilin sürücüsü boş yerlərin olmasına baxmayaraq avtomobili düzgün şəkildə park etməyib. Videodan da aydın şəkildə görünür ki, avtomobil bucaq altında park edildiyi üçün arxası hərəkət zolağını zəbt edib. Bu səbəbdən həmin zolaqla hərəkət edən sürücülər çətinliklə üzləşib.

Fərid