Maşının işıqlarını söndürüb taksi işləyən sürücü - VİDEO

Bakıda qayda pozuntusu törədən sürücü kameraya düşüb. Avtosfer.az xəbər verir ki, hadisə oktyabrın 10-da, paytaxtın Abbas Mirzə Şərifzadə küçəsində qeydə alınıb. Belə ki, taksi fəaliyyəti ilə məşğul olan 99-GP-603 qeydiyyat nişanlı "Honda" markalı avtomobilin sürücüsü günün qaranlıq saatlarında işıq cihazlarından istifadə etməyib. Eyni zamanda dönmə işığının nasaz vəziyyətdə olması da görüntüyə əks olunub. Sürücünün manevr zamanı dönmə işığından istifadə etməsi avtomobilin güzgüsündəki sarı işığın yanıb-sönməsindən bilinir. Lakin arxa işıq cihazlarında dönmə işığının işləmədiyi aydın şəkildə görünür.

Qeyd edək ki, dönmə işığının yanmaması, eyni zamanda günün qaranlıq saatlarında işıq cihazlarının sönülü olması olduqca təhlükəli hesab edilir.

Fərid