Maşının nömrəsini çıxarıb kəmərsiz sürən sürücüdən ədəbaz hərəkətlər - VİDEO

Yollarda qayda pozan sürücü öz videosunu sosial şəbəkədə paylaşıb. Avtosfer.az xəbər verir ki, 56-BF-644 qeydiyyat nişanlı "NazLifan" markalı avtomobilin sürücüsü ön qeydiyyat nişanını çıxararaq yollarda hərəkət edib. İşıq cihazlarına müdaxilə edən sürücü zavod tərəfindən istehsal edilən stop işıqlarını və duman faralarını çıxararaq, yerinə normativlərdən kənara çıxan işıq cihazları quraşdırıb.

Eyni zamanda sürücünün təhlükəsizlik kəmərindən istifadə etməməsi videogörüntüdə əks olunub.

Avtosfer.az-ın əldə etdiyi məlumata görə, videogörüntü Müşviq qəsəbəsində qeydə alınıb.

Könül Rauf