Maşının ön farasına müdaxilə edən bu sürücünü 150 manat cərimə gözləyir - VİDEO

Avtomobilin işıq cihazlarına qanunsuz müdaxilə edən sürücü sosial şəbəkə hesabında paylaşım edib. Avtosfer.az xəbər verir ki, 50-BY-352 qeydiyyat nişanlı "Hyundai" markalı avtomobilin sürücüsü ön işıq cihazlarına qırmızı qabarit işıqları quraşdırıb. Ön faraya qırmızı işıqların quraşdırılması qanunsuz hesab edilir.

Qeyd edək ki, işıq cihazlarına dair qaydalar həm "Yol hərəkəti haqqında" qanunda, həm də Avropa İqtisadi Komissiyasının qaydalarında öz əksini tapıb. Hazırda qüvvədə olan "Yol hərəkəti haqqında" qanunun I saylı əlavəsində qeyd olunub ki, geriyə hərəkət fənərləri və dövlət qeydiyyat nişanının işıqlandırılması istisna edilməklə, nəqliyyat vasitəsinin qabağında qırmızı rəngli, arxasında isə ağ rəngli işıq cihazları və ya işıqqaytarıcılar qurulması qadağandır. Buna yol vermiş sürücülər İnzibati Xətalar Məcəlləsinin 342.2.2-ci maddəsi ilə 150 manat məbləğində cərimə edilə bilər.

Fərid