Maşının ön işıqlarını dəyişib, “miqalka” quraşdıran Tik-Toker - VİDEO

Avtomobilin işıq cihazlarında dəyişikliklər edən sürücü video çəkərək sosial şəbəkədə paylaşıb.
Avtosfer.az-ın xəbər verir ki, 67-BJ-787 dövlət nömrə nişanlı “Hyundai” markalı avtomobilin sürücüsü, maşının alın şüşəsinə göy və qırmızı rəngdə sayrışan işıq quraşdırıb. 
Həmçinin avtomobilin ön fənərlərini və duman işıqlarını dəyişib. Bununla kifayətlənməyən sürücü maşının dövlət nömrə nişanını çıxararaq alın şüşəsinə vurub. 
Qeyd edək ki, avtomobilin konstruksiyasına edilən bütün müdaxilələr, sayrışan işıqların quraşdırılması qanunla qadağandır. 
İnzibati Xətalar Məcəlləsinin 342.9-cu maddəsinə əsasən, nəqliyyat vasitələrinin müvafiq icazə olmadan sayrışan işıq və səs siqnallarından istifadə edilməsinə görə 500 manatdan 800 manatadək məbləğdə cərimə nəzərdə tutulub.

Nərmin