Maşının stoplarını təmizləyib nörməni çirkli saxladı - RADARDAN YAYINAN SÜRÜCÜ - VİDEO

Bakıda çirkli nömrə ilə hərəkət edən sürücü kameraya düşüb. Avtosfer.az xəbər verir ki, hadisə noyabrın 26-da, paytaxtın İnşaatçılar prospektində qeydə alınıb.

Belə ki, 77-YT-721 qeydiyyat nişanlı "VGV markalı avtomobilin arxa qeydiyyat nişanı çirkli olduğu üçün görünməz hala düşüb. "Yol hərəkəti haqqında” qanuna görə, sürücü nəqliyyat vasitəsini istismara yararlı halda saxlamağa borcludur. Dövlət qeydiyyat nişanları daim görünən vəziyyətdə olmalıdır. Lakin bəzi sürücülər faraları təmizlədiyi halda nömrəni qəsdən təmizləmir ki, kamera və radar cəriməsindən yayınsın. Təqdim etdiyimiz videodakı bu sürücü də arxa stop faralarını silib, lakin qeydiyyat nişanı çirkli vəziyyətdə qalıb.

Qanunvericiliyə görə, avtomobilin qeydiyyat nişanları 40 metr məsafədən aydın şəkildə görünməlidir. Görünmədiyi halda sürücü İnzibati Xətalar Məcəlləsinin 342.1.7-ci maddəsilə 40 manat məbləğində cərimə oluna bilər.

Könül Rauf