Maşının üzərinə xoşagəlməz sözlər yazıb yolda “hoqqa” verən sürücü - 20-AB-286 - VİDEO

Tərtərdə kobud qayda pozuntusu törədən sürücü videoları sosial şəbəkədə yayılıb.

Avtosfer.az-ın məlumatına görə, 20-AB-286 dövlət nömrə nişanlı “VAZ-2106” markalı avtomobilin sürücüsü bütöv xəttin tələbini pozaraq əks istiqamətli yola çıxıb və lüzumsuz manevrlər edib. Daha sonra o, yenidən qarşı tərəfə keçərək avtomobili anidən sağa fırladıb. Bu zaman o, göstərdiyi “şou”nu videoya çəkən avtomobilə təhlükə yaradıb. Həmçinin sürücü avtomobilə konstruksiya dəyişikliyi edib və ön dövlət nömrə nişanını nəzərdə tutulmayan yerə vurub. O, bununla kifayətlənməyərək boyalarla avtomobilin üzərinə xoşagəlməz və sürücülərin diqqətini yayındıran ifadələr yazıb. Sürücünün mütəmadi olaraq qayda pozduğu bildirilib.

Qeyd edək ki, sözügedən videogörüntülərlə bağlı polis tərəfindən araşdırma aparılır.

Nərmin