Maşınlarını dayanacağın önündə cərgəylə saxlayıb avtobusların yolunu kəsdilər - VİDEO

Maştağa-Zabrat şosesində kütləvi şəkildə qayda pozan sürücülər görüntülənib.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Videodan göründüyü kimi, 77-HK-015 dövlət nömrə nişanlı “Hyundai” markalı, 90-TM-333 “Changan” markalı və 10-EF-017 dövlət nömrə nişanlı “Toyota” markalı avtomobillərin sürücüləri avtobus dayanacağını zəbt ediblər. Belə ki, maşınlarını cərgəylə dayanacağın önündə saxlayan sürücülər avtobusların yolda dayanaraq sərnişin mindirib-düşürməsinə səbəb olublar. İzləyicinin sözlərinə görə, bu hal, digər avtomobil sürücülərinin narazılığına da səbəb olub. Onlar avtobusların yolda saxlamasını hərəkətin məhdudlaşdırılmasına gətirib çıxardığını irad olaraq sürücülərə bildiriblər. 

Qeyd edək ki, qayda pozan sürücülər sükan arxasında olmayıblar. 

Nərmin