Məktəbli sükan arxasına keçib “Sürmək üçün “prava”ya ehtiyac yoxdur” dedi - VİDEO

Avtomobili idarə edən yeniyetmənin videosu “TikTok” sosial platformasında paylaşılıb.

Avtosfer.az-ın məlumatına görə, hadisə bir müddət əvvəl Masazır qəsəbəsi Qurtuluş 93 yaşayış kompleksində qeydə alınıb. Belə ki, məktəbli 77-HA-059 dövlət nömrə nişanlı “Hyundai Elantra” markalı avtomobili sürücülük vəsiqəsi olmadan idarə edib. Qayda pozan yeniyetmə dostunun “Sürücülük vəsiqən var?” sualına “Sürmək üçün “prava”ya ehtiyac yoxdur” deyərək cavab verib. Daha sonra avtomobili sürməyə davam edib. 

Xatırladaq ki, İnzibati Xətalar Məcəlləsinin 335.1 maddəsinə əsasən, nəqliyyat vasitəsinin sahiblik hüququ olan şəxs tərəfindən avtomobili sürmək üçün sürücülük hüququ olmayan şəxsə verilməsinə görə, fiziki şəxslər 60 manat, vəzifəli şəxslər 200 manat, hüquqi şəxslər isə 2 000 manat məbləğində cərimə edilirlər. 

Nərmin