Məktəbliləri daşıyan mikroavtobus sürücüsü qırmızıda keçdi - VİDEO

Xırdalanda yol hərəkəti qaydalarını pozan sürücünün videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə dekabrın 2-də, şəhərin Mehdi Hüseynzadə küçəsində baş verib.

Belə ki, məktəbliləri daşıyan 99-BM-414 qeydiyyat nişanlı "Mercedes" markalı mikroavtobusun sürücüsü qadağanedici işıqda gözləyib vaxt itirməmək üçün qaydaları pozub. O, sarı işıqda yolayrıcına daxil olaraq hərəkətinə davam edib.

Qeyd edək ki, bu qayda pozuntusuna görə, İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə nəzərdə tutulub.

Fərid