"Mercedes" "07"nin yoluna çıxdı... 1 yaralı

Bərdə şəhərinin Mirzə Ələkbər Sabir küçəsində  1 nəfərin xəsarət alması ilə nəticələnən yol-nəqliyyat hadisəsi baş verib. Qəza "Mercedes" və "VAZ-2107" markalı avtomobillərin toqquşması nəticəsində qeydə alınıb. Hadisə şahidlərinin sözlərinə görə, hadisəyə "Mercedes"in yol kəsişməsində digər avtomobilin hərəkət zolağına çıxması səbəb olub. Nəticədə hər iki maşına ciddi ziyan dəyib. "VAZ"ın sürücüsü müxtəlif dərəcəli bədən xəsarətləri alaraq xəstəxanaya yerləşdirilib.

Faktla bağlı araşdırma aparılır.

"Report"