Məşhur şirkətin maşını zolağı zəbt edib avtobusların hərəkətinə əngəl oldu - FOTO

Bakının Azadlıq prospektində qayda pozan sürücü avtobusların hərəkətinə maneə törədib.

Avtosfer.az-ın məlumatına görə, hadisə yanvarın 8-də səhər saatlarında qeydə alınıb. “FLO” mağazalar şəbəkəsinə məxsus 90-OZ-815 dövlət nömrə nişanlı “Ford Transit” markalı avtomobilin sürücüsü avtobus zolağını zəbt edib. Şikayətçi bildirib ki, sözügedən şirkətin sürücüsü maşını uzun müddət zolaqda saxlayaraq avtobusların yolunu kəsib. Nəticədə avtobus sürücüləri avtomobillərin hərəkətdə olduğu zolağa keçid etməyə məcbur olublar. 

Xatırladaq ki, “Yol hərəkəti haqqında” qanununun yol verdiyi hallar istisna olmaqla, 5.9, 5.10.1–5.10.3 nişanları ilə işarələnmiş, ümumi istifadədə olan nəqliyyat vasitələri üçün nəzərdə tutulmuş hərəkət zolağına keçid etmək qadağandır. Bu xətanı törədən sürücülər 2 bal və 100 manat cərimələnə bilərlər.

Nərmin