Metroda bunu etmək qəti qadağandır - Açıqlama

Polis və metropoliten əməkdaşlarının səylərinə baxmayaraq, bu gün metroda dilənçilik edən şəxslərə rast gəlmək mümkündür. "Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev Metbuat.az-a açıqlamasında bildirib ki, metro ərazisində istər stansiya, istərsə də qatarlarda bu fəaliyyətlə məşğul olmaq qəti qadağandır: “İstər bizim əməkdaşlar, istərsə də polis əməkdaşları həmin şəxsləri gördükləri təqdirdə dərhal ərazidən uzaqlaşdırılar. Həmin şəxslər metroya normal sərnişin kimi daxil olur. Yəni, o sərnişinin kim olduğunu bilmirik. Bu, eyni zamanda sərnişinləri narahat edən bir durumdur. Sərnişinlərdən xahiş edirik ki, belə hallarla qarşılaşan zaman metropoliten işçilərinə məlumat versinlər”.