Motosikletçi qəzanın bir addımlığından döndü – Bakıda təhlükəli anlar - VİDEO

Bakıda yol hərəkəti qaydasını kobud şəkildə pozan sürücü qəza şəraiti yaradıb. Avtosfer.az xəbər verir ki, hadisə paytaxtın Bəkir Çobanzadə küçəsində qeydə alınıb. Belə ki, 88-CF-401 qeydiyyat nişanlı "Hyundai" markalı avtomobilin sürücüsü yolayrıcına çatan zaman anidən sola manevr etdi. Bu zaman o, qarşıdan gələn motosikletin yoluna çıxaraq ona qəza şəraiti yaratdı. Motosikletin sürücüsü dərhal reaksiya verərək sağa manevr etməsəydi qəza qaçılmaz ola bilərdi.

"Yol hərəkəti haqqında" qanunda qeyd olunub ki, sola dönən sürücü, qarşıdan düzünə və sağa hərəkət edən nəqliyyat vasitələrinə yol verməlidir.

Bu qaydaya əməl etməyən sürücülər İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə oluna bilərlər.

Fərid