Motosikletçini sıxışdırıb qəza təhlükəsi yaratdı - 77-QF-251 - VİDEO

Paytaxtda qayda pozan sürücü kameraya düşüb.

Avtosfer.az-ın məlumatına görə, hadisə bir müddət əvvəl axşam saatlarında qeydə alınıb. Kadrlardan görünür ki, 77-QF-251 dövlət nömrə nişanlı “Nissan” markalı avtomobilin sürücüsü yol kənarında yerləşən marketin həyətinə daxil olmaq istəyərkən manevr qaydalarını pozub.

Belə ki, sürücü sağ zolaqda hərəkətdə olan motosikletçiyə yol vermədən həmin zolağa keçməyə cəhd edib. Nəticədə motosikletçi qəza təhlükəsi ilə üzləşib.

Hadisədən sonra motosikletçi sürücünün hərəkətinə etiraz edərək bildirib ki, dönmə manevri edərkən hərəkətdə olan nəqliyyat vasitələrinin yolunu kəsmək yolverilməzdir. Onun sözlərinə görə, belə hallarda sürücü təhlükəsiz şərait yarandıqdan sonra manevr etməli və digər hərəkət iştirakçılarına maneə yaratmamalıdır.

Nərmin