Mübahisə edən sürücü sürətli yolda hərəkəti dayandırdı - VİDEO

Bakıda mübahisə edən sürücü yolu kəsib. Avtosfer.az xəbər verir ki, hadisə iyulun 1-də, paytaxtın Ziya Bünyadov prospektində baş verib. Belə ki, 90-XU-211 qeydiyyat nişanlı “Hyundai Accent” markalı avtomobilin sürücüsü yolu kəsərək hərəkəti məhdudlaşdırıb. Görüntünü qeydə alan sürücü iddia edir ki, sağ zolaqdakı sürücü bir az gec yol verdiyi üçün mübahisə düşüb: “90-XU-211 qeydiyyat nişanlı avtomobilin sürücüsü qəza işıqlarını yandıraraq sürətlə hərəkət edirdi. Qarşıdakı maşın gec yol verdiyi üçün, sürətli yolda dayanıb onunla dava etməyə başladı və arxadan gələn sürücülərə qəza şəraiti yaratdı. Arxadakı maşınların hamısı sürəti azaldaraq qəzadan yayındılar. Buradan aydın olur ki, həmin sürücü heç yerə tələsmir. Tələsən adam yolda dayanıb kiminləsə mübahisə etmir” – deyə oxucu bildirib.

Könül