“Mustang” sürücüsündən “manevr şou”: Son saniyədə qəzadan yayındı - ANBAAN VİDEO

Sumqayıt şəhəri Səməd Vurğun küçəsində kobud qayda pozan sürücü qəzadan son anda yayınıb.
Avtosfer.az-ın məlumatına görə, hadisə bir müddət əvvəl axşam saatlarında qeydə alınıb. Videodan göründüyü kimi, “Lada Priora” markalı maşının sürücüsü “Ford Mustang” markalı avtomobilə qəza riski yaradıb. Belə ki, o, sola dönərkən hərəkətdə olan nəqliyyat vasitəsinin qarşısına anidən çıxıb. Bu zaman “Ford”un sürücüsü manevr edərək avtomobili əks zolağa sürüb və baş verəcək qəzanın qarşısını alıb. 
Qeyd edək ki, sürücülər arasında  diqqətsiz davrananlar xüsusi kütlə təşkil edir. Təəssüf ki, onlar sükan arxasında əyləşərkən necə böyük məsuliyyət daşıdıqlarını dərk etmədən hərəkət edirlər. Nəticədə qəza qaçılmaz olur. 

Nərmin