Narkotikin təsiri altında olan sürücü HƏBS EDİLDİ - 30 GÜN - FOTO

Ağdaşda narkotikin təsiri altında avtomobil idarə edən şəxs həbs edilib.

Avtosfer.az-a verilən məlumata görə, Ağdaş Rayon Polis Şöbəsinin Dövlət Yol Polisi Bölməsinin əməkdaşlarının keçirdikləri tədbir zamanı narkotik vasitənin təsiri altında avtomobil idarə edən Elşən Piriyev saxlanılıb.

Yol verdiyi qayda pozuntusuna görə saxlanılan sürücünün hərəkətləri şübhə doğurduğundan o, tibbi müayinədən keçirilib. Müayinənin də nəticəsinə əsasən həmin şəxsin marixuana istifadə etdiyi məlum olub. 
Məhkəmənin qərarı ilə E.Piriyev 30 sutka inzibati həbs edilib.

Son günlər ərzində polis əməkdaşlarının keçirdikləri digər tədbirlərlə narkotikin təsiri altında avtomobil idarə edən daha 8 sürücü müəyyən olunaraq barələrində qanunamüvafiq tədbirlər görülüb.