Nasaz maşınla yola çıxıb piyadanın üzərinə su sıçratdı - VİDEO

Xırdalan şəhərində qayda pozuntusu törədən sürücü kameraya düşüb. Avtosfer.az xəbər verir ki, hadisə Heydər Əliyev prospektində qeydə alınıb.

Belə ki, 99-OL-656 dövlət qeydiyyat nişanlı "Dacia" markalı avtomobilin sürücüsü yolda yaranmış gölməçəni görməsinə baxmayaraq sürətini azaltmadan hərəkətini davam etdirib. Nəticədə səki ilə hərəkət edən piyadanın üzərinə su sıçradaraq onun narahat olmasına səbəb olub.

Kadrlarda avtomobilin texniki vəziyyəti ilə bağlı da diqqətçəkən məqam yer alıb. Belə ki, avtomobilin işlənmiş qazların xaricetmə sistemindən havaya nəzərəçarpacaq dərəcədə tüstü buraxıldığı, eyni zamanda avtomobilin arxa qabarit işıqlarından birinin işləmədiyi görünür ki, bu da nəqliyyat vasitəsinin nasaz vəziyyətdə olmasından xəbər verir.

Fərid