Nasaz motosikletlə yola çıxan sürücü təhlükə saçdı - VİDEO

Günün qaranlıq saatlarında təhlükə saçan motosiklet sürücüsünün videosu kameraya düşüb. Avtosfer.az xəbər verir ki, videogörüntü dekabrın 17-də, Bakı-Sumqayıt yolunda qeydə alınıb. Belə ki, qeydiyyat nişanını çıxaran sürücü xarici işıq cihazları nasaz vəziyyətdə olan motosikletlə yolda hərəkət edib. Günün qaranlıq saatı olduğu üçün avtomobil sürücüləri onu görməkdə çətinlik çəkiblər.

Qeyd edək ki, hər bir nəqliyyat vasitəsinin ön və arxa hissəsində qabarit işıqları, yaxın və uzaq vuran işıqlar, həmçinin dönmə və stop işıq siqnalları saz vəziyyətdə olmalıdır. Bu işıq cihazları nasaz olan nəqliyyat vasitələri istismar edilməməlidir.

Leyla