Nə qoşa xətti sayır, nə də ki, sürücüləri - Gəldiyi kimi dönüb təhlükə yaratdı - VİDEO

Bakıda manevr qaydasını pozan sürücü qəza şəraiti yaradıb. Avtosfer.az xəbər verir ki, hadisə paytaxtın Mikayıl Əliyev küçəsində baş verib. Belə ki, 77-YV-725 qeydiyyat nişanlı "Chevrolet" markalı avtomobilin sürücüsü qoşa xəttin üzərindən geriyə dönərək qaydaları pozub. Bu zaman qarşıdan gələn avtomobillərə yol verməyərək onlara təhlükə yaradıb.

Qeyd edək ki, bu qayda pozuntusunun törədilməsinə görə, İnzibati Xətalar Məcəlləsinin 327.2-ci maddəsilə 3 bal 80 manat cərimə nəzərdə tutulub.

Fərid