Nəsimidə “Niva” ilə şou göstərən sürücü CƏZALANDIRILDI - VİDEO (YENİLƏNİB)

Bakıda yol-hərəkəti qaydalarını pozaraq təhlükəli manevrlər edən sürücü barəsində tədbir görülüb.

Bakı Şəhər Dövlət Yol Polisi İdarəsindən Avtosfer.az-a verilən məlumata görə, paytaxtın Nəsimi rayonu ərazisində yol-hərəkəti qaydalarını pozaraq təhlükəli manevrlər edən sürücü barəsində tədbir görülüb.
“VAZ  21214”  markalı nəqliyyat vasitəsinin sürücüsü Kənan Cavadov barəsində toplanmış material baxılması məhkəməyə təqdim edilib.
Məhkəmənin qərarı ilə o, İnzibati Xətalar Məcəlləsinin avtoxuliqanlıq maddəsinə əsasən 500 manat məbləğində cərimə edilməklə nəqliyyat vasitələrini idarə etmək hüquqi 1  il müddətinə məhdudlaşdırılıb.

**

Bakıda yol hərəkəti qaydasını kobud şəkildə  pozan sürücünün görüntüləri sosial şəbəkədə yayılıb .

Avtosfer.az xəbər verir ki, hadisə paytaxtın Cavadxan küçəsində (Memar Əcəmi metrostansiyasının qarşısında) baş verib.

Belə ki, 90-TT-380 qeydiyyat nişanlı “Niva” markalı avtomobilin sürücüsü təhlükəsizlik adacığının tələblərini pozub. Daha sonra isə yolun ortasında dayanıb.

Qəfil qaz və tormoz pedallarından isdifadə edərək avtomobili sanki rəqs etdirib. O, şou xarakterli hərəkəti etməklə sosial şəbəkədə trendə düşməyə çalışıb.

Ümid edirik ki, yol polis əməkdaşları xoşagəlməz halla bağlı qanunamüvafiq tədbir görəcək.

Hülya