Nəzarətsiz yola çıxan azyaşlı özünü ölümə atdı - ŞOK VİDEO

Bakıda ölümə gedən azyaşlının videosu avtomobildəki kameraya düşüb. Avtosfer.az xəbər verir ki, hadisə paytaxtın Nazim Hacıyev küçəsində qeydə alınıb. Belə ki, yolun hərəkət hissəsinə diyircəkli ayaqqabı ilə çıxan azyaşlı avtomobillərin üzərinə doğru hərəkət edib. Görüntünü qeydə alan avtomobilin sürücüsü yolayrıcına daxil olan zaman onu vurmaqdan son anda xilas olub.

Burada günah təbii ki, piyadadadır. Lakin azyaşlının bu cür məsuliyyətsiz hərəkətinin səbəbkarı onun valideynləridir. Hər bir valideyn evdə öz övladına düzgün tərbiyə verməli və düzgün istiqamətləndirməlidir. Tərbiyənin bir hissəsi də yolda, küçədə, ictimai yerlərdə hərəkətlə bağlıdır. Uşaqlara piyada keçidindən keçməyi, səkilərlə hərəkət etməyi, yolun hərəkət hissəsinə çıxmamağı və ümumiyyətlə yolda təhlükəsiz hərəkətin vərdişlərini hər bir valideyn öyrətməlidir. Lakin təəssüf hissi ilə bildirmək istəyirik ki, bu məsələdə çoxları maraqlı deyil və özləri qayda pozmaqla uşağına pis nümunə olur. Nəticədə uşağı yol nəqliyyat hadisəsi nəticəsində həlak olanda üsyan edir. Bir daha bildiririk ki, belə hadisələrin baş verməməsi üçün öncə valideyn uşaqlara nümunə olmalı, sonra onları düzgün istiqamətləndirməlidir.

Leyla