Nişan olmayan yollarda maksimal sürət nə qədər olmalıdır? – RƏY - VİDEO

Əksər sürücülər yol nişanları olmayan ərazilərdə avtomobili “necə gəldi” idarə edə biləcəklərini düşünürlər.

Avtosfer.az xəbər verir ki, məsələ ilə bağlı “AvtoFM”in efirində qonaq olan qəza əleyhinə kursların məşqçisi Aqil Rəhimov bəzi məqamları diqqətə çatdırıb. “Bəzən sürücülər elə bilir ki, hansısa yolda nişan yoxdursa orada 280 kilometr-saat sürətlə hərəkət etmək olar. Bu, doğru deyil. Müəyəynləşmiş qaydalar var. Hətta nişan olmayan şəhərlərarası yollarda, əgər orada magistral işarəsi varsa, maksimal sürət Azərbaycanda 110 kilometr-saat olaraq nəzərdə tutulur. Əgər avtomagistral işarəsi yoxdursa, həmin yolda maksimal sürət 90 km saatdır”.

Aqil Rəhimov sonda onu da vurğulayıb ki, vətəndaşlar adətən bölgələrə öz ailəsi ilə səyahət edirlər və yol nişanları olmayan ərazilərdə nəqliyyat vasitəsini idarə edərkən diqqətli olmalıdırlar ki, kiçik səhvlərinə görə həyatlarından məhrum ola bilərlər.

Səfər Əlizadə