Nişanlanma xəttini mənasız bilən sürücülər qaydaları pozdular - VİDEO

Bakıda yol hərəkəti qaydasını pozan sürücülər kameraya düşüb. Avtosfer.az xəbər verir ki, hadisə aprelin 1-də, paytaxtın Yusif Səfərov küçəsində qeydə alınıb. Belə ki, 77-LA-072 qeydiyyat nişanlı "Lync & Co" markalı avtomobilin sürücüsü tunel istiqamətinə hərəkət edəcəyini bilsə də, öncədən düzgün zolaqda yerləşməyib. O, son anda təhlükəsizlik adacığının üzərinə çıxaraq sol zolağa yerdəyişmə edib.

99-AV-868 qeydiyyat nişanlı "Honda" markalı avtomobilin sürücüsü isə Babək prospektindən gələn zaman sağ zolaqla yoluna davam etməli olduğu halda qaydaları pozub. O, bütöv xəttin tələbini pozaraq sol zolağa yerdəyişmə edib.

Qeyd edək ki, hər iki sürücü İnzibati Xətalar Məcəlləsinin 327.1-ci maddəsilə 40 manat məbləğində cərimə oluna bilər.

Fərid