Nömrəsiz mikroavtobuslar sərnişin daşıyır - VİDEO

Üzərində heç bir marşrut nömrəsi olmayan mikroavtobus sərnişindaşımada istifadə olunur. Bura metronun ''Əhmədli'' stansiyasının yaxınlığıdır. Bu avtobuslarla Xəzər Əhmədliyə sərnişin daşınır. Sürücülər deyirlər ki, mikroavtobuslar şəxsidir və Xəzər Əhmədli sakinlərinin razılığı ilə taksi kimi xidmət göstərirlər. Məhz buna görə də avtobusların üzərində marşrut nömrəsi yoxdur. Sərnişilərin özləri də mikroavtobusların onların razılığı ilə xidmət göstərdiklərini təsdiqləyirlər.

Bakı Nəqliyyat Agentliyindən bildirilir ki, oturacaqların sayı maksimum 8+1 olan avtomobillər taksi fəaliyyətində istifadə edilə bilər. Oturacaqların sayı bu rəqəmdən artıqdırsa, belə fəaliyyət qanunsuzdur. Agentlik tərəfindən bu fakt araşdırılacaq və müvafiq tədbirlər görüləcək.