Növbəsini gözləmədən dairəyə girən avtobus sürücüsü - 77-JZ-812 - VİDEO

Gəncə şəhəri, Şah İsmayıl Xətai küçəsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə dekabrın 1-də saat 14:23 radələrində Dəyirman dairəsində qeydə alınıb. Videodan göründüyü kimi, 16 nömrəli marşrut xətti üzrə hərəkət edən 77-JZ-812 dövlət nömrə nişanlı “Yutong” markalı müntəzəm sərnişin daşıyan avtobusun sürücüsü yolayrıcının keçilməsi qaydasını pozub. Belə ki, o, dairə boyunca hərəkətdə olan avtomobili gözləmədən yoluna davam edib və bu zaman görüntünü qeydə alan sürücüyə qəza şəraiti yaradıb.

Xatırladaq ki, “Yol hərəkəti haqqında” Qanunun 42-ci maddəsində qeyd olunur ki, dairəvi hərəkət təşkil olunmuş yolayrıcının qarşısında “4.3 – Dairəvi hərəkət” nişanı qoyulduqda, sürücülər dairə üzrə hərəkət edən nəqliyyat vasitələrinə yol verməlidirlər.