Ödəniş etməmək üçün bahalı maşınını səkidə park edib getdi - 99-DC-111 - FOTO

Paytaxtın Yasamal rayonu, Giləzi küçəsində dayanma-durma qaydasını pozan sürücü görüntülənib.

Bu barədə izləyicilərdən biri Avtosfer.az-ın “Whatsapp” ünvanına fotoşəkillər göndərib. Belə ki, 99-DC-111 dövlət nömrə nişanlı “Lexus” markalı avtomobilin sürücüsü piyada səkisini zəbt edib. Nəticədə ərazidən keçən piyadalar çətinlik çəkiblər. Şikayətçinin iddiasına görə, sözügedən sürücü maşını uzun müddət səkidə park edib və özü hadisə yerində olmayıb. 

Qeyd edək ki, sözügedən küçədə maşınlar üçün parkinq zonaları mövcuddur. Lakin bəzi sürücülər parkinq pulu ödəməmək üçün nəqliyyat vasitələrini qanunla qadağan olunmuş yerlərdə saxlayaraq həm piyadaların yolunu kəsirlər, həm də ödəyəcəkləri cərimə qat-qat çox olur. 

Nərmin