Ölmək və öldürmək üçün yola çıxan sürücü - Ölümün bir addımlığı... - VİDEO

Xırdalanda ölümə gedən sürücünün təhlükə saçan hərəkətləri kameraya düşüb. Görüntünü qeydə alan sürücü bu barədə redaksiyamızın qaynar xəttinə şikayət ünvanlayıb. O bildirir ki, hadisə sentyabrın 11-də, “VAZ” servisin yaxınlığında baş  verib: “Qaydalar çərçivəsində hərəkət etdiyim zaman qarşıdan gələn 99-TO-387 qeydiyyat nişanlı “Honda” markalı avtomobilin sürücüsü yoxuşun sonunda ötmə əməliyyatı etdi. Qarşısını görməyən sürücü əks yola çıxdığı üçün mənimlə üz-üzə gəldi. Mən qəfil tormoz verərək hadisədən yayına bildim. Həmin vaxt çox qorxdum. Çünki azyaşlı övladım da avtomobildə idi. Qəzadan yayınmaq üçün qəfil tormoz verən zaman uşaq da qorxu keçirmişdi. Xahiş edirəm həmin sürücü sərt şəkildə cəzalandırılsın” – deyərək sürücü bildirib.

“Yol hərəkəti haqqında” qanunun 51-ci maddəsində qeyd olunub ki, yoxuşun axırında və yolun məhdudiyyətli görünüşlü digər sahələrində əks istiqamətli hərəkət zolağına çıxmaqla ötmək qadağandır.

Könül