Ötmə qaydasına əməl etməyən sürücü sonda qəza şəraiti yaratdı - VİDEO

Bakıda ötmə qaydasını kobud şəkildə pozan sürücü təhlükəli anlar yaşadıb. Avtosfer.az-ın məlumatına görə, hadisə martın 8-də paytaxtın Heydər Əliyev prospektində baş verib.

Belə ki, 77-MD-459 qeydiyyat nişanlı "Chevrolet" markalı avtomobilin sürücüsü əvvəlcə qarşısında gedən avtomobili sağdan ötüb. Daha sonra isə qəflətən sağ zolaqdan sola keçərək ötmə etməyə çalışıb. Bu zaman sol zolaqda hərəkət edən avtomobili sıxışdıraraq qəza vəziyyəti yaradıb. Hər iki sürücü hadisədən qorxaraq çətin vəziyyətə düşüb. Baş verənlərdən sonra qəza vəziyyəti ilə üzləşən sürücü öz etirazını bildirib.

"Yol hərəkəti haqqında" qanuna əsasən, sürücü ötməyə başlamazdan əvvəl əmin olmalıdır ki, hərəkət zolağı ötmə üçün kifayət qədər boşdur və bu manevr ilə o, qarşıdan gələn və ya həmin zolaqda gedən nəqliyyat vasitələri üçün təhlükə yaratmayacaq.

Fərid