Ötmə zamanı belə etməyin - QANUN QADAĞAN EDİR - VİDEO

Paytaxtın Binə qəsəbəsində yol hərəkəti qaydasını kobud şəkildə pozan sürücünün videosu sosial şəbəkədə yayılıb. Avtosfer.az xəbər verir ki, hadisə mayın 31-də qeydə alınıb. Belə ki, görüntünü qeydə alan avtomobilin sürücüsü 99-PD-244 qeydiyyat nişanlı "Mitsubishi" markalı avtomobili ötməyə çalışır. Bu zaman həmin sürücü sürəti artıraraq ötmə əməliyyatını həyata keçirən avtomobilə təhlükə yaradıb. Videogörüntüdən də aydın şəkildə görünür ki, ötməyə şərait yaradılmadığı üçün həmin sürücü qarşıdan gələn avtomobillə toqquşma təhlükəsi ilə üz-üzə qalıb.

"Yol hərəkəti haqqında" qanunun 51-ci maddəsində qeyd olunub ki, hərəkət sürətini artırmaqla və ya başqa hərəkətlərlə ötən nəqliyyat vasitəsinin sürücüsünə maneçilik törətmək qadağandır.

Fərid