Ötmə zolağını zəbt edən sürücü hərəkətə mane oldu - VİDEO

Bakıda yolun hərəkət hissəsində yerləşmə qaydasını pozan sürücü kameraya düşüb. Avtosfer.az xəbər verir ki, hadisə noyabrın 27-də, paytaxtın Kənar Dairəvi yolunda baş verib.

Belə ki, 90-LY-272 qeydiyyat nişanlı "Qazel" markalı yük avtomobilinin sürücüsü sağ zolaq boş olduğu halda orta zolaqla hərəkət edib. Bu zaman görüntünü qeydə alan sürücünün ötüb keçməsinə maneə yaradıb.

"Yol hərəkəti haqqında" qanunun 49-cu maddəsində qeyd olunub ki, yaşayış məntəqələrindən kənarda, yolun hərəkət hissəsində hərəkət istiqamətində sağ zolaq boş olduğu halda sol zolaqlarla hərəkət etmək qadağandır.

Bu qayda pozuntusuna törədən sürücülər İnzibati Xətalar Məcəlləsinin 327.1-ci maddəsilə 40 manat məbləğində cərimə oluna bilərlər.

Fərid