Ötmənin qadağan olunduğu yerdə əks yola çıxıb qəzaya düşən gənc sürücü öldü - VİDEO

Qayda pozan sürücü yol qəzasında ölüb. Avtosfer.az xəbər verir ki, Rusiyanın Volqoqrad bölgəsində baş verən hadisənin görüntüləri kameraya düşüb.

Belə ki, Qornaya Proleyka kəndi yaxınlığında “VAZ-2115” markalı maşının 21 yaşlı sürücüsü yolun “ötmək qadağandır” hissəsində ötmə əməliyyatı yerinə yetirən zaman əks yola keçib və qarşıdan gələn minik avtomobili ilə toqquşub.

Qəza nəticəsində “VAZ”ın sürücüsü aldığı ağır xəsarətlərdən hadisə yerində ölüb. Digər avtomobilin sürücüsü və 2 sərnişini xəstəxanaya yerləşdirilib.

Yerli medianın məlumatına görə, 21 yaşlı gəncin cəmi bir illik sürücülük təcrübəsi olub.

Sözügedən qəzanın anbaan videosunu təqdim edirik:

Namiq Musayev