Öz keyfiylə hərəkət edən kuryer - Qoşa xətti heçə sayıb əks yola çıxdı - VİDEO

Paytaxtın Nərimanov rayonu, Əhməd Rəcəbli küçəsində qayda pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə dekabrın 24-də saat 14:43 radələrində qeydə alınıb. “Wolt” şirkətinin kuryeri idarə etdiyi 99-D-725 dövlət nömrə nişanlı “Tufan” markalı motosikletlə qoşa xətti tapdalayaraq əks yola çıxıb. Bu manevr həm sürücünü, həm də qarşıdan gələn avtomobilləri təhlükə altında qoyub.

Təəssüf ki, bəzi motosiklet sürücüləri yol hərəkəti qaydalarını kobud şəkildə pozurlar. Belə hallarda qarşı tərəfdən gələn avtomobillər ani manevr etməli olur, piyadalar təhlükə altında qalır, və yol qəzalarının sayı artır. Hər bir sürücü idarə etdiyi nəqliyyat növündən asılı olmayaraq yol nişanlarına və xətt tələblərinə riayət etməlidir. 

Nərmin