Öz rahatlıqlarını düşünüb digər sürücülərin yolunu kəsdilər - VİDEO

Bakıda dayanma-durma qaydasını pozan sürücülər yolda sıxlığa səbəb olublar. Avtosfer.az xəbər verir ki, hadisə oktyabrın 22-də, paytaxtın Həsən Əliyev küçəsində baş verib.

Belə ki, 99-LZ-212 qeydiyyat nişanlı "Mercedes" markalı, 10-LY-775 qeydiyyat nişanlı "Toyota Prius" markalı, 99-CL-074 qeydiyyat nişanlı "BYD" markalı və 90-ZA-223 qeydiyyat nişanlı "Mazda" markalı avtomobilin sürücüsü ikinci cərgədə dayanaraq sağ zolağı zəbt ediblər. Arxadan gələn sürücülər həmin avtomobillərə görə, sol zolağa keçməyə məcbur qalıblar. Bu zaman yolda sıxlıq yaranıb.

Paytaxtda yaranan tıxacların səbəbindən biri də sürücü məsuliyyətsizliyidir. Hər bir avtomobilin qayda pozuntusu yolda sıxlığın yaranmasına səbəb olur. Ona görə də sürücülər diqqətli olmalı və ən xırda səhvlərə belə yol verməməlidir.

Qeyd edək ki, bu qayda pozuntusuna görə, İnzibati Xətalar Məcəlləsinin 346.4-cü maddəsilə 2 bal 80 manat məbləğində cərimə nəzərdə tutulub.

Fərid