Öz zolağını "bəyənməyən" sürücü sağ zolağa keçib təhlükə yaratdı - VİDEO

Bakıda manevr qaydasını pozan sürücü qəza şəraiti yaradıb. Avtosfer.az xəbər verir ki, hadisə iyulun 6-da, paytaxtın Yusif Səfərov küçəsində baş verib. Belə ki, 77-XL-095 qeydiyyat nişanlı "Chevrolet" markalı avtomobilin sürücüsü hərəkət zamanı lüzumsuz olaraq sağ zolağa manevr edib.

Bu zaman görüntünü qeydə alan sürücünü sıxışdıraraq ona qəza şəraiti yaradıb. Videogörüntüdən də aydın şəkildə görünür ki, qayda pozan sürücünün qarşısı boş olmasına baxmayaraq öz zolağı ilə hərəkət etməyib.

Qeyd edək ki, sürücülərin əksəriyyəti döngələrdə öz zolağı ilə hərəkət edə bilmirlər. Zolaqdan kənara çıxıb təhlükə yaradan zaman isə günahı özlərində görmürlər. Bu əmələ görə, İnzibati Xətalar Məcəlləsinin 327.1-ci maddəsilə 40 manat məbləğində cərimə nəzərdə tutulub.

Fərid