Özündən çıxan sürücü qayda pozmayan maşına yaxınlaşıb görün nələr dedi - VİDEO

Paytaxtın Badamdar şosesində sürücülər arasında baş vermiş mübahisə anbaan kameraya düşüb.

Bu barədə izləyicilərdən biri Avtosfer.az-ın “İnstagram” ünvanına videomaterial göndərib. Videodan da göründüyü kimi, görüntünü qeydə alan sürücü hərəkətdə olduğu zolaqdan sağa manevr edib. Bir müddət sonra 10-VZ-026 dövlət nömrə nişanlı “Ford Fusion” markalı avtomobilin sürücüsü ona dəfələrlə siqnal verib.  Ardınca o, maşına yaxınlaşaraq sürücüylə mübahisə etməyə başlayıb. Belə ki, o, görüntünü qeydə alan sürücüyə “Nə olub? Üstümə niyə sürürsən?” deyib. Digər sürücü isə “Mən zolağımla gedirəm” - deyə, ona cavab verib. 

Qeyd edək ki, “Ford”un sürücüsünün sağ zolaqla hərəkət etməsi videoda aydın şəkildə əks olunub. Digər tərəfdən sözügedən ərazidə yol getdikcə daraldığı üçün sürücülər arasında belə anlaşılmazlıq yarana bilər. 

Nərmin