Özünə yer tapa bilməyən “Prius” sürücüsü zolaqdan-zolağa keçdi - VİDEO

Paytaxtın Qara Qarayev prospektində kobud qayda pozan sürücü görüntülənib.
Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Videodan göründüyü kimi, “Toyota Prius” markalı avtomobilin sürücüsü manevr qaydasını ardıcıl olaraq pozub. Belə ki, öndəki maşını ötməyə çalışıb sürücü, hərəkətdə olduğu zolaqdan sağa keçib. Daha sonra isə öz zolağına qayıdıb və yenidən manevr edərək ən sağ zolağa keçib. Bununla kifayətlənməyən sürücü sağdan birbaşa sol zolağa qayıdıb. Qayda pozan sürücü digər hərəkət iştirakçılarına təhlükə yaratsa da, qəza baş verməyib.
Qeyd edək ki, sürücünün törətdiyi xəta İnzibati Xətalar Məcəlləsinin 327.1-ci maddəsinə əsasən, 40 manat cəriməylə nəticələnir.

Nərmin