Özünü "avtoş" kimi aparan xanım sürücüdən təhlükə: "Zor etmişəm" - VİDEO

Bakıda qaydalara əməl etməyən xanım sürücünün videosu sosial şəbəkədə yayılıb. Avtosfer.az xəbər verir ki, hadisə noyabrın 4-də, paytaxtın Məhəmməd Hadi küçəsində baş verib verib.

Belə ki, 77-RS-049 qeydiyyat nişanlı "Hyundai" markalı avtomobilin sürücüsü Sarayevo küçəsindən birbaşa 3-cü zolağa daxil olaraq digər avtomobillərə təhlükə yaradıb. Sosial şəbəkədə yayılmış videonun rəy bölməsinə isə "O, mən idim, zor eləmişəm" yazaraq, etdiyi hərəkətlə fəxr edib.

Qeyd edək ki, "Yol hərəkəti haqqında" qanunun 42-ci maddəsinin VII hissəsində qeyd olunub ki, nəqliyyat vasitəsi sağa dönərkən, hərəkət hissəsinin mümkün qədər sağ kənarına yaxın hərəkət etməlidir.

Xatırladaq ki, bu qaydanın pozulmasına görə, İnzibati Xətalar Məcəlləsinin 327.1-ci maddəsilə 40 manat məbləğində cərimə nəzərdə tutulur.

Könül Rauf