Paytaxtda “ara işləyən” sürücü sərnişini qorxuya saldı - ANBAAN VİDEO

Bakıda manevr qaydalarını ardıcıl olaraq pozan sürücünün videosu sosial şəbəkələrdə geniş yayılıb.  Avtosfer.az-ın məlumatına görə, hadisə bir neçə gün əvvəl axşam saatlarında qeydə alınıb. Görüntüdən aydın olduğu kimi, qayda pozan sürücü öncə sağdan ötmə edib. Daha sonra isə o, iki avtomobilin arasından keçərək ikinci dəfə manevr qaydasını pozub.

Bu zaman sürücü özüylə yanaşı avtomobildə olan sərnişinin də həyatını təhlükəyə atıb. Həmçinin digər nəqliyyat vasitələrinə qəza riski yaradıb. İddiaya görə, qayda pozan sürücü taksi fəaliyyətiylə məşğul olur. 

Xatırladaq ki, İnzibati Xətalar Məcəlləsinin 327.1-ci maddəsinə əsasən, bu qayda pozuntusuna görə 40 manat cərimə nəzərə tutulur.

Nərmin