Piyada keçidində ana-balanı öldürməyə tələsən taksi sürücüsü - VİDEO

Sürücünün məsuliyyətsizliyi yolda qorxulu anlar yaşadıb. Avtosfer.az xəbər verir ki, hadisə oktyabrın 19-da, Xırdalan şəhəri Heydər Əliyev prospektində baş verib. Belə ki, "Yango" taksi şirkətinə məxsus 10-DY-374 qeydiyyat nişanlı "Toyota Prius" markalı avtomobilin sürücüsü keçidi keçən piyadaları son anda görərək qəfil tormoz edib. O, ana və yanındakı övladını vurmaqdan son anda qurtula bilib.

Sürücü qanunvericiliyin tələblərini pozduğu üçün bu cür çətinlər anlar yaşayıb. "Yol hərəkəti haqqında" qanunda qeyd olunub ki, əgər nəqliyyat vasitəsi nizamlanmayan piyada keçidinin qarşısında dayanmışdırsa və ya sürətini azaltmışdırsa, qonşu zolaqlarda hərəkət edən digər nəqliyyat vasitələrinin sürücüləri yalnız dayanmış nəqliyyat vasitəsinin qarşısında piyadaların olmadığını yəqin etdikdən sonra hərəkəti davam etdirə bilərlər. Bu o deməkdir ki, "Prius" sürücüsü görüntünü qeydə alan avtomobilin dayandığını gördüyü anda sürətini azaldaraq keçidin önündə dayanmalı idi. Çox təəssüf ki, sürücülərin əksəriyyəti bu qaydadan xəbərsizdir.

Leyla