Polis əməkdaşı dairəvi yolda maşınların üzərinə "protiv" getdi - VİDEO

Bakıda yolun əksi istiqamətinə hərəkət edən polis əməkdaşı kameraya düşüb. Avtosfer.az xəbər verir ki, qayda pozuntusu 90-PV-443 qeydiyyat nişanlı "Mercedes" markalı Post Patrul Xidmətinə məxsus avtomobilin sürücüsü tərəfindən, noyabrın 24-də kənar dairəvi yolda törədilib. Belə ki, birtərəfli hərəkət təşkil edilmiş yolun əksi istiqamətinə çıxan sürücü axına qarşı hərəkət edib.

Qeyd edək ki, qanunvericiliyə görə operativ nəqliyyat vasitəsinin sürücüləri xidməti zərurətlə bağlı qanunun tələblərindən kənara çıxma hallarında sayrışan işıq və xüsusi səs siqnalını qoşmalı, həmçinin təhlükəsizliyi təmin etməlidir.

Fərid