Prospektdə keçiddən keçən it və növbəsini gözləməyən “BMW” sürücüsü - VİDEO

Bakının Hüseyn Cavid prospektində işıqforu gözləyərək yolu piyada keçidindən keçən it görüntülənib.
Avtosfer.az-ın məlumatına görə, hadisə martın 25-i səhər saatlarında qeydə alınıb. Videodan göründüyü kimi, o işıqforun yaşıl işığının yandıqdan sonra piyada zolağından yolu keçib. Hətta it yolu keçərkən ətrafa bir daha baxıb. Daha sonra ehmalca yoluna davam edib. Lakin “BMW” markalı avtomibilin sürücüsü heyvanı və işıqforu görməzdən gələrək yoluna davam edib. 
Ağıllı itin bu hərəkəti sosial şəbəkə izləyiciləri tərəfindən rəğbətlə qarşılanıb. Onlar şüursuz canlının bu təqdirəlayiq davranışını şüurlu varlıq olan insanların qayda pozmalarıyla müqayisə ediblər. 
Təəssüflə qeyd edək ki, heyvanların vurulmasıyla nəticələnən yol qəzaları kifayət qədərdir. Bəzi hallarda sürücü təqsirkar olmasa da, videodan da göründüyü kimi ayrı-seçkilik edərək heyvanı görməzdən gələnlər var.

Nərmin