Prospektdə "protiv" gələn sürücü təhlükə saçdı, DYP 100 manat 4 bal cərimə yazdı - VİDEO

Bakıda yol hərəkəti qaydalarını kobud və qərəzli şəkildə pozan sürücü kameraya düşüb. Avtosfer.az xəbər verir ki, sentyabrın 11-i paytaxtın Qara Qarayev prospektində hərəkət edən 99-OS-474 qeydiyyat nişanlı “Honda” markalı avtomobilin sürücüsü əks yola çıxıb. Belə ki, taksi fəaliyyəti ilə məşğul olan həmin sürücü birtərəfli yolun tam olaraq əksi istiqamətinə hərəkət edərək avtomobillərin üzərinə gedib.

Bakı şəhər Dövlət Yol Polisi İdarəsindən Avtosfer.az-a bildirilib ki, sürücü Hüseynov Kamran Əmən oğlu idarəyə dəvət olunub və onun barəsində İnzibati Xətalar Məcəlləsinin 327.4-cü maddəsinə əsasən 100 manat 4 bal cərimə yazılıb.

Təbriz