Prospektdə qəza riski yaradan sürücü qoşa xətdən əks yola çıxdı - VİDEO

Paytaxtın Azadlıq prospektində qayda pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə noyabrın 13-də saat 19:32 radələrində qeydə alınıb. Belə ki, hərəkətdə olan 10-TY-043 dövlət nömrə nişanlı “Hyundai” markalı avtomobilin sürücüsü manevr qaydasını pozub. Kadrdan göründüyü kimi, sol zolağa keçmək istəyən sürücü görüntünü qeydə alan avtomobili sıxışdıraraq ona qəza şəraiti yaradıb. Sol zolağa keçən sürücü bununla kifayətlənməyərək qoşa xətti tapdalayıb və əks istiqamətli yola çıxaraq geriyə hərəkət edib.

Belə halların qarşısını almaq üçün sürücülər yol hərəkəti qaydalarına ciddi riayət etməli, manevr edərkən digər avtomobillərə təhlükə yaratmamalıdır.

Nərmin